PROBAS PARA A OBTENCIÓN DOS CERTIFICADOS DE LINGUA GALEGA, NIVEIS CELGA 2, 3 E 4, NO ANO 2023 (CÓDIGO DE PROCEDEMENTO PL500C).
No Diario oficial de Galicia, (DOG) do Luns, 4 de setembro de 2023, publícase a RESOLUCIÓN da Secretaría Xeral de Política Lingüística da Xunta de Galicia, pola que se convocan probas para a obtención dos certificados de lingua galega, niveis Celga 2, 3 e 4, no ano 2023 (código de procedemento PL500C).
RESUMO DO DOG ( 2ª Convocatoria do 2023)
. Persoas destinatarias: As persoas maiores de dezaseis anos ou que os fagan no ano natural da convocatoria,nacionais ou estranxeiras.
. Datas de realización das probas. As probas realizaranse na segunda quincena de novembro e, de ser o caso, na primeira de decembro de 2023,
As datas concretas serán debidamente publicadas no Diario Oficial de Galicia, así como na páxina web da Secretaría Xeral de Política Lingüística (http://www.lingua.gal).
. Localidades onde se van realizar as probas e niveis: Santiago de Compostela e Ponferrada.
. Presentación de solicitudes e prazo. As persoas que desexen inscribirse nas probas Celga deberán cubrir o formulario de solicitude, segundo o modelo PL500C, que se publica como anexo I, e aboar a taxa correspondente. As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal
Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común ( nos rexistros dos concellos entre outros ) .
.O prazo de presentación das solicitudes e de pagamento da taxa dos dereitos de exame, será de quince días hábiles, que se contarán a partir do día seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte. ¡¡ATA O 25 DE SETEMBRO ¡!
. Taxas de exame: a contía da taxa para a inscrición nas probas é de 16,92 euros para cada un dos niveis. As persoas con discapacidade igual ou superior ao 33 %, logo da xustificación documental, estarán exentas do pagamento desta taxa.
As persoas interesadas presentaranse o día de realización das probas na sede e á hora que se publiquen na páxina web da Secretaría Xeral de Política Lingüística.
Mais Información no Dog que se adxunta
