FORMACIÓN DIXITAL GRATUÍTA CON CURSOS DE INFORMÁTICA BÁSICA, INTELIXENCIA ARTIFICIAL E COMDIX
O Concello de Moaña, a través da Aula CeMIT, pon en marcha unha ampla oferta de formación presencial que combina informática básica, Internet, correo electrónico, uso do móbil, Intelixencia Artificial e preparación para a certificación ComDix, con propostas adaptadas a diferentes niveis.
Nos próximos tres meses impartiranse varias edicións dos seguintes cursos:
-
CURSOS INICIACIÓN (NORMALMENTE DE MAÑAN)
-
CURSOS DE INTELIXENCIA ARTIFICIAL
-
CURSOS DE COMPETENCIAS DIXITAIS (PARA OBTER O COMDIX)
. Intelixencia Artificial desde cero e aprendendo coa práctica
Entre setembro e novembro desenvolveranse 21 temáticas diferentes de IA, ofrecidas en dous horarios, o que supón 42 oportunidades de participación presencial. Non é necesario ter coñecementos previos.
Os obradoiros permitirán aprender progresivamente a utilizar ChatGPT e crear bos prompts, xerar imaxes, vídeos, música e audio, traballar con documentos e presentacións, organizar proxectos, buscar emprego con IA, investigar e contrastar información, utilizar Workspace, conectar aplicacións, mellorar a produtividade e coñecer aspectos de privacidade, ética, seguridade e detección de bulos. Haberá ademais unha sesión mensual de reciclaxe.
Luns e mércores · 16:30-18:30 e 20:00-22:00 h
. Preparación ComDix
Os martes estarán dedicados á preparación da certificación galega de competencias dixitais ComDix. Durante setembro e a primeira semana de outubro prepararase o nivel Intermedio, ante a previsión de exames a mediados de outubro. Posteriormente, a formación centrarase no nivel Iniciación, coas probas previstas para decembro.
Martes · 16:30-18:30 h
Cursos de informática básica e competencias dixitais polas mañás
A oferta complétase con 6 convocatorias especialmente orientadas á iniciación e mellora das competencias dixitais:
Formación |
Datas |
Horario |
01 Iniciación á informática I |
07 sep. – 25 sep. |
09:00-11:00 |
02 Móbiles Android para persoas maiores |
07 sep. – 25 sep. |
11:00-13:00 |
03 Correo electrónico e Internet |
28 set. – 13 out. |
09:00-11:00 |
04 Informática – nivel medio |
28 set. – 13 out. |
11:00-13:00 |
05 Informática – nivel básico |
19 out. – 6 nov. |
09:00-11:00 |
06 Correo electrónico e Internet |
9-27 nov. |
11:00-13:00 |
Formación gratuíta e prazas limitadas: Todas as actividades son presenciais e gratuítas e desenvolveranse na Aula CeMIT de Moaña, na Rúa María Martín, s/n ( Urbanización O Rosal). As prazas son limitadas, polo que se recomenda realizar a inscrición coa maior antelación posible.
As inscricións poden realizarse en cemit.xunta.gal, entrando en Formación → Formación presencial → Moaña e seleccionando a actividade desexada.
TFO : 616 804 107 · cemit.moana@xunta.gal
