PROBAS DE ACCESO A CICLOS MEDIO E CICLOS SUPERIORES DE FP (Resumo do DOG)
No Diario Oficial de Galicia (Dog) do Venres, 6 de marzo de 2026, a Consellería de Educación,Ciencia,Universidades e Formación Profesional, publica a orde pola que se regulan as probas de acceso aos ciclos formativos de grao medio (código de procedemento ED312C) e de grao superior (código de procedemento ED312D) de formación profesional no ámbito territorial da Comunidade Autónoma de Galicia, para o ano 2026.
INFORMACIÓN E ORIENTACIÓN SOBRE AS PROBAS DE ACCESO: Todos os institutos de educación secundaria que impartan ciclos formativos de formación profesional e os centros integrados de formación profesional deberán ofrecer ás persoas interesadas información e orientación sobre estas ensinanzas, así como sobre o procedemento de inscrición e desenvolvemento das probas de acceso
. PROBAS DE ACCESO A CICLOS FORMATIVOS DE GRAO MEDIO (ED312C)
. Destinatarios/as: persoas que non cumpran os requisitos académicos exixidos para acceder a eles e teñan cumpridos dezasete anos ou os fagan no ano natural de celebración da proba.
. Solicitude de inscrición, segundo o modelo do anexo I,
. PRAZO PRESENTACIÓN SOLICITUDES: do 16 ao 26 de MARZO de 2026, ambos os dous incluídos.
. Presentación de solicitudes: As solicitudes presentaranse preferiblemente por vía electrónica a través do formulario normalizado de solicitude, anexo I (código de procedemento ED312C), dispoñible na aplicación informática «Ciclosprobas» (https://www.edu.xunta.gal/ciclosprobas/PaxinaInicio.do), accesible desde a sede electrónica da Xunta de Galicia, https://sede.xunta.gal.
Tamén se poderán presentar as solicitudes na secretaría de calquera centro docente público da Consellería de Educación, Ciencia, Universidades e Formación Profesional que imparta ciclos formativos de formación profesional no curso académico 2025/26. As persoas interesadas deberán cubrir a solicitude a través da aplicación «Ciclosprobas»(https://www.edu.xunta.gal/ciclosprobas/PaxinaInicio.do), que xerará un documento en formato PDF co formulario normalizado de solicitude, anexo I (código de procedemento ED312C), que a persoa interesada deberá imprimir e posteriormente presentar no centro de inscrición
ESTRUTURA E ORGANIZACIÓN PROBA ACCESO CM FP
a) Parte sociolingüística:
– Lingua castelá.
– Lingua galega.
– Ciencias sociais.
b) Parte matemática:
– Matemáticas.
c) Parte científico-técnica:
– Ciencias da natureza.
– Tecnoloxía.
VER Supostos de execión total ou parcial da Proba de acceso CM FP no artigo 21 da orde publicada
DATA DAS PROBAS de acceso aos CM FP: día 21 de MAIO de 2026
PROBAS DE ACCESO A CICLOS FORMATIVOS DE GRAO SUPERIOR (ED312D)
. Destinatarios/as: persoas que non cumpran os requisitos académicos exixidos para acceder a eles e teñan feitos dezanove anos ou os fagan no ano de realización da proba.
.Solicitude de inscrición, segundo o modelo do anexo II,
. PRAZO PRESENTACIÓN SOLICITUDES : do 16 ao 26 de MARZO de 2026, ambos os dous incluídos.
. Presentación de solcitudes: As solicitudes presentaranse preferiblemente por vía electrónica a través do formulario normalizado de solicitude, anexo II(código de procedemento ED312C), dispoñible na aplicación informática «Ciclosprobas» (https://www.edu.xunta.gal/ciclosprobas/PaxinaInicio.do), accesible desde a sede electrónica da Xunta de Galicia, https://sede.xunta.gal.
Tamén se poderán presentar as solicitudes na secretaría de calquera centro docente público da Consellería de Educación, Ciencia, Universidades e Formación Profesional que imparta ciclos formativos de formación profesional no curso académico 2025/26. As persoas interesadas deberán cubrir a solicitude a través da aplicación «Ciclosprobas» (https://www.edu.xunta.gal/ciclosprobas/PaxinaInicio.do), que xerará un documento en formato PDF co formulario normalizado de solicitude, anexo Ii (código de procedemento ED312C), que a persoa interesada deberá imprimir e posteriormente presentar no centro de inscrición
ESTRUTURA E ORGANIZACIÓN PROBA ACCESO CS FP
a) Parte común:
– Lingua galega.
– Lingua castelá.
– Matemáticas.
b) Parte específica. Organizarase con base en tres opcións, A, B e C, en función das familias profesionais e os ciclos formativos aos que posibilita o acceso, segundo se establece no anexo VII. A persoa aspirante deberá elixir unha das tres opcións no momento de formalizar a solicitude de inscrición para a proba, escollendo dúas das tres materias das que desexe que se lle examine:
– Opción A: Economía da empresa, Lingua estranxeira (inglés ou francés) e Filosofía.
– Opción B: Debuxo técnico, Tecnoloxía Industrial e Física.
– Opción C: Ciencias da terra e ambientais, Química e Bioloxía.
VER Supostos de execión total ou parcial da Proba de acceso a CS FP artigos 35 e 36 da orde publicada
DATA DAS PROBAS de acceso aos CS FP: 29 de ABRIL de 2026
MAIS INFORMACIÓN : Nos centros de FP e no DOG que se achega
